പഴങ്കഞ്ഞി വിലാസം വനിതാവേദി
Posted by അനില്‍ സോപാനം
പ്രിയസീരിയല്‍ പ്രേമികളെ..........
പുരുഷന്‍മാരെ അടക്കിഭരിക്കുക എന്ന ഉദ്ദേശത്തോടുകൂടി പഴങ്കഞ്ഞി ഉണ്ടായ കാലം മുതല്‍ക്കെ ഉള്ള നമ്മുടെ സംഘടന ഇന്നു വളരെ വളര്‍ന്നിരിക്കുന്നു.കണ്ണീര്‍ കണ്ടു ആനന്ദനിര്‍വ്രിതിഅടഞ്ഞു ഭര്‍ത്താക്കന്‍ മാരെ പട്ടിണിക്കിട്ടു സീരീയല്‍ വ്രതം അനുഷ്ടിക്കുന്ന നമ്മളെപ്പൊലെയുള്ളവരുടെ സീരീയല്‍ മുടക്കാന്‍ വേണ്ടി ചില ഓര്‍ക്കുട്ട് വിരുതന്‍മാര്‍ ഇറങ്ങിയിട്ടുള്ള കാര്യം അറിയാമല്ലോ? നമ്മുടെ കാണപ്പെട്ട ദൈവമായ “കണ്ണീര്‍മഴ” സീരിയലിലെ രായപ്പണ്ണന്‍ ഭാര്യ ദാക്ഷായണിക്കു വാങ്ങിക്കൊടുത്ത സാരിയാണോ അതോ കാമുകി വിലാസിനിക്കു വാങ്ങിക്കൊടുത്ത സാരിയാണോ നല്ലത് എന്നത് നമ്മള്‍ sms ലൂടെ കണ്ടു പിടിച്ചതും ആണല്ലോ,കൂടാതെ “പൂതന” സീരിയലില്‍ നിന്നും നമുക്ക് ലഭിച്ച വിലപ്പെട്ട അറിവു വച്ച് നമ്മുടെ നാട്ടിലെ കുടിപ്പള്ളിക്കൂടത്തില്‍ നിന്നും എയ്ഡ്സ് ബാധിച്ച് എട്ടും പൊട്ടും തിരിയാത്ത കുട്ടികളെ ഐതീഹാസികമായ സമരപരദൂഷണങ്ങളിലൂടെ പുറത്താക്കനും നമുക്ക് സാധിച്ചു.
അരിവാങ്ങാനും,10 മാസം മാത്രം പ്രായമുള്ള മകനെ ഡോക്ടര്‍ ആക്കാന്‍ പിസി തോമായുടെ അടുത്തു കാലേ കൂട്ടി പ്രവേശനം തരാക്കാനും ഹസ്സ് കടം വാങ്ങി വച്ചിരുന്ന രൂപ കൊണ്ട് “ആനമറുത” ചാനലില്‍ സ്റ്റാര്‍ അകാന്‍ മേക്കപ് സാധനങ്ങള്‍ വാങ്ങി സീറോ സ്റ്റാര്‍ ആയ ഹിഡുംബിയെ ഈര്‍ക്കില്‍ കൊണ്ട് ക്രൂരമായീ മര്‍ദ്ദിച്ച ഭര്‍ത്താവ് കോമളനെ ഘരാവൊ ചെയ്ത് നമ്മുടെ ശക്തിതെളിയിക്കുകയുണ്ടായി.
ക്രൂരമായി കൊലചെയ്യപ്പെട്ട സിസ്റ്റര്‍ ഓമനകൊലക്കെസീല്‍ റിപ്പൊര്‍ട്ട് തിരുത്തിയെന്നു കോടതി കണ്ടെത്തിയ കമലാക്ഷിയെയും പുഷ്പയെയും വാഴ്ത്തപ്പെട്ടവരായി പ്രഖ്യാപിക്കനുള്ള ശിപാര്‍ശ പിന്‍റുമോള്‍ ആസ്മാക്കു നമ്മള്‍ കൊടുക്കുകയുണ്ടായി....ഇനിനമ്മള്‍ നടത്തുവാന്‍ പോകുന്നതാണ് നമ്മുടെ ചരിത്രത്തിലെ വലിയ സമരം...........വിവാഹ വാഗ്ദാനം നല്‍കി മണികണ്ടന്‍ പോയിട്ട് വര്‍ഷങ്ങള്‍ കഴിഞ്ഞിരിക്കുന്നു.യാതൊരു വിവരവുമില്ലാ......(ഉണ്ണിപ്പണിക്കര്‍ ഒളിച്ചുകളിയീല്‍ ഗവേഷണം നടത്തുന്നതിനാല്‍ മണികണ്ടന്‍റെ
മൊബൈല്‍ നം. കിട്ടാന്‍ വഴിയില്ലാ) തഴയപ്പെടുന്ന സ്ത്രീത്വത്തിന്‍റെ പ്രതീകമായ മാളികപ്പുറത്തമ്മയുടെ വിവാഹം ഉടനെ നടത്തുക,മുടങ്ങാന്‍ കാരണക്കാരായ കന്നിഅയ്യപ്പന്മാരെ പമ്പയില്‍ തടയുക,മണ്ഡലകാലത്തെ അതിശക്തമായ തിരക്കില്‍ക്കൂടിത്തന്നെ 10-50 നും ഇടക്കുള്ളസ്ത്രീ‍കള്‍ക്ക് പ്രവേശനം അനുവദിച്ച് പുതിയസാരിയും ആഭരണങ്ങളും പ്രദര്‍ശിപ്പിക്കാനുള്ള വഴി ഉണ്ടാക്കുക തുടങ്ങിയ ആവശ്യങ്ങള്‍ ഉടനെ നിവേദനമാക്കി മുഖ്യമന്ത്രിക്കു നല്‍കുകയാണു.....സഹകരിക്കൂ..ജന്മം കരഞ്ഞൂ തീര്‍ക്കു...
ശ്യാം സുന്ദര്‍ കീ ജയ്...മധുമോഹന്‍ കീ ജയ്..
പരദൂഷണത്തോ‍ടെ....
.(സംസ്ഥാന പ്രെസിഡന്‍റ്)
